Sa pediatric intensive care unit ng Hadassah Ein Kerem sa Jerusalem, dalawang sanggol ang kasalukuyang nilalabanan ang matinding komplikasyon mula sa tigdas
Ang isang batang babae na isang taong gulang at isang batang lalaki na dalawang taong gulang ay parehong nakakabit sa ECMO — isang makinang tumutulong sa paghinga at sirkulasyon ng dugo
(Sira ang Pampublikong Transportasyon sa Jerusalem Ngayon)
Ayon sa opisyal na pahayag ng Hadassah Hospital, ang batang babae ay dinala sa ospital noong katapusan ng linggo sa kritikal na kondisyon, habang ang batang lalaki ay inilipat mula sa Shaare Zedek Hospital matapos magkaroon ng malubhang pulmonya dulot ng karagdagang impeksiyong bacterial
Ayon kay Dr. Ori Folk, Director of Pediatric Critical Care sa Hadassah
“Ang tigdas ay mabilis makahawa, lalo na sa mga saradong lugar. Isa itong seryosong sakit na may kasamang lagnat, pananakit ng katawan, sipon, at pantal — at maaaring humantong sa matinding komplikasyon na banta sa buhay
Nanawagan ang mga doktor sa Hadassah sa mga magulang na pabakunahan ang kanilang mga anak
“Maaaring maiwasan ang malubhang sakit at makaligtas ng buhay — nasa kamay ito ng mga magulang. Ang bakuna ay napatunayang epektibo at mahalagang sundin ang buong iskedyul ng pagbabakuna para sa bawat bata
Bakit Nanganganib ang Jerusalem?
Ipinahayag ng mga opisyal sa kalusugan na may ilang komunidad sa Jerusalem — kabilang na ang ilang relihiyosong sektor at mga bahagi ng Silangang Jerusalem — na may mababang antas ng pagbabakuna.
Dahil dito, maraming bata ang nananatiling walang proteksyon laban sa tigdas, at maaaring magdulot ng mas malawak na pagkalat ng sakit
Mga Sintomas ng Tigdas na Dapat Bantayan
Narito ang mga karaniwang sintomas ng tigdas sa mga bata:
-
Mataas na lagnat na tumatagal ng higit sa dalawang araw
-
Matinding pagkapagod o panghihina
-
Sipon o tuyong ubo
-
Pamumula ng mga mata
-
Pantal mula ulo pababa
-
Hirap sa paghinga o kawalan ng sigla
Kapag napansin ang mga sintomas na ito, agad kumonsulta sa doktor o pumunta sa emergency room
(Batang leon sa bakuran sa Silangang Jerusalem)
Ano ang Dapat Gawin?
Hindi simpleng sakit ang tigdas — maaari itong magdulot ng pulmonya, encephalitis, at kamatayan.
Ang mga doktor sa Hadassah ay humihikayat sa lahat ng pamilya na siguraduhing bakunado ang kanilang mga anak. Ang mabilis na pagkilos ay maaaring magligtas ng buhay.
